ພາຂ່າວ

ພື້ນທີ່ 1 ສ່ວນ 3 ຂອງປາກີສະຖານ ຕ້ອງຈົມຢູ່ໃຕ້ນ້ຳ ຫຼັງເກີດຄື້ນຄວາມຮ້ອນຮຸນແຮງ ແລະ ມໍລິສຸມທີ່ພັດຖະຫຼົ່ມລົງມາຢ່າງໜັກເປັນປະຫວັດການຈາກທານນ້ຳກ້ອນລະລາຍ ແລະ ນັບເປັນອຸທັກກະໄພຄັ້ງຮ້າຍແຮງໃນຮອບທົດສະວັດ.
ສຳນັກງານຈັດການໄພພິບັດແຫ່ງຊາດຂອງປາກີສະຖານ ລາຍງານຈຳນວນຜູ້ເສຍຊີວິດສະສົມຕັ້ງແຕ່ວັນທີ 14 ມິຖຸນາ ເພີ່ມຂື້ນເປັນ 1,282 ຄົນ ແລະ ເກືອບ 1 ສ່ວນ 3 ຂອງເຫຍື່ອທັງໝົດເປັນເດັກນ້ອຍ.

ພາຂ່າວ

ດ້ານໜ່ວຍງານດ້ານມະນຸດສະທຳລະບຸວ່າ ປາກີສະຖານຍັງຄົງຕ້ອງການຄວາມຊ່ວຍເຫຼືອລະຍະຍາວ ເນືື່ອງຈາກຍອດຜູ້ເສຍຊີວິດຈາກອຸທົກກະໄພຍັງຄົງເພີ່ມຂື້ນຢ່າງຕໍ່ເນື່ອງ ຄວາມທຸກຍາກຂອງປະເທດຍັງບໍ່ສິ້ນສຸດ ແລະ ໃນຂະນະທີ່ໄພພິບັດຍັງບໍ່ຜ່ອນເບົາ.

ພາຂ່າວ

ໂດຍຈາກພາບຖ່ານຈາກດາວທຽມຂອງ European Space Agency ແລະ ໜ່ວຍງານລັດຖະບານ ແລະ ໜ່ວຍງານຊ່ວຍເຫຼືອຕ່າງໆລະບຸວ່າ ມີຜູ້ທີ່ໄດ້ຮັບຜົນກະທົບ 33 ລ້ານຄົນ ໂດຍມີເດັກນ້ອຍຫຼາຍກວ່າ 3 ລ້ານຄົນ ທີ່ຕ້ອງການຄວາມຊ່ວຍເຫຼືອດ້ານມະນຸດສະທຳຢ່າງເລັ່ງດ່ວນ, ເນື່ອງຈາກມີຄວາມສ່ຽງທີ່ຈະເປັນໂລກຕິດຕໍ່ທາງນ້ຳ ການຈົມນ້ຳ ແລະ ການຂາດສານອາຫານ.

ພາຂ່າວ

ຂະນະທີ່ນັກວິໄຈດ້ານສະພາບພູມອາກາດ ສະແດງຄວາມເຫັນຕໍ່ໄພພິບັດ ອາດຈະເລີ່ມຈາກປາກົດການຄື້ນຄວາມຮ້ອນ ທີ່ສະສົມມາຕັ້ງແຕ່ເມື່ອເດືອນເມສາ ສົ່ງຜົນໃຫ້ຫຼາຍພື້ນທີ່ຂອງປະເທດມີອຸນຫະພູມສູງກວ່າ 40 ອົງສາ ເປັນລະຍະເວລາຫຼາຍເດືອນ ໂດຍເດີືອນພຶດສະພາ ເມືອງ Jacobabad ມີອຸນຫະພູມສູງເຖິງ 51 ອົງສາ ເຊິ່ງນັກວິໄຈຄາດການວ່າເຫດການດັ່ງກ່າວເປັນເລື່ອງຜິດປົກກະຕິທີ່ປາກີສະຖານບໍ່ເຄີຍປະສົບມາກ່ອນ ໂດຍລະບຸວ່າ: “ນີ້ບໍ່ແມ່ນຄື້ນຄວາມຮ້ອນປົກກະຕິ ແຕ່ຮ້າຍແຮງທີ່ສຸດໃນໂລກ ເຮົາມີສະຖານທີ່ທີ່ຮ້ອນທີ່ສຸດໃນປາກີສະຖານ”

ພາຂ່າວ

ພ້ອມວິເຄາະເຖິງອຸນຫະພູມທີ່ມີເພີ່ມສູງຂື້ນຈົນເຮັດໃຫ້ທານນ້ຳກ້ອນເທິງພູເຂົາທາງເໜືອລະລາຍ ສົ່ງຜົນໃຫ້ແມ່ນ້ຳສາຍສຳຄັນຢ່າງແມ່ນ້ຳສິນທຸ ທີ່ໄຫຼທອດຍາວຕັ້ງແຕ່ເໜືອຈົນໃຕ້ມີປະລິມານນ້ຳເພີ່ມສູງຂື້ນ ບວກກັບຄວາມກົດອາກາດຕໍ່າໃນທະເລອາຣັບທີ່ເກີດຈາກຄື້ນຄວາມຮ້ອນ ເຮັດໃຫ້ເກີດຝົນຕົກໜັກໃນເຂດຊາຍຝັ່ງຂອງປາກີສະຖານ ຕັ້ງແຕ່ຊ່ວງຕົ້ນເດືອນມິຖຸນາ ແລະ ຮຸນແຮງຈົນກາຍເປັນມໍະສຸມໃນປາຍເດືອນ ເຊິ່ງຖືວ່າມາໄວກວ່າປົກກະຕິ.

ພາຂ່າວ

ຂໍ້ມູນ: sdthailand.

By Admin

Leave a Reply

Your email address will not be published. Required fields are marked *