ອົງຄະນະພັກ ທະຫານ​ແຂວງ​ບໍ່ແກ້ວ ປະ​ເມີນ​ການຈັດຕັ້ງ ​ປະຕິບັດ​ກອງ​ປະຊຸມ​ຜູ້​ແທນ​ ຄັ້ງ​ທີ V ໄລຍະ​ກາງ​ສະໄໝ

0
5

ກອງ​ບັນຊາ​ການ​ທະຫານ ແຂວງ​ບໍ່​ແກ້ວ ໄດ້​ຈັດ​ກອງ​ປະຊຸມ​ປະ​ເມີນ​ການຈັດຕັ້ງ​ປະຕິບັດ​ກອງ​ປະຊຸມ​ຜູ້​ແທນ ຄັ້ງ​ທີ V ໄລຍະ​ກາງ​ສະໄໝ ຂອງ​ອົງຄະ​ນະ​ພັກ​ກອງ​ບັນຊາ​ການ​ທະຫານ​ແຂວງ​ບໍ່​ແກ້ວ ຂຶ້ນ​ໃນ​ວັນ​ທີ 24 ສິງຫາ 2022 ນີ້, ໂດຍ​ການ​ເປັນ​ປະທານ​ຮ່ວມ​ຂອງ​ ສະຫາຍ ​ປອ ບົວ​ຄົງ ນາມ​ມະ​ວົງ ກຳມະການ​ສູນ​ກາງ​ພັກ ເລຂາ​ພັກ​ແຂວງ ເຈົ້າແຂວງແຂວງບໍ່​ແກ້ວ, ສະຫາຍ ພົນ​ຈັດ ຕະວາ ແສງ​ມະນີ​ວອນ ຄຳ​ມະນີ ກຳມະການ​ຄະນະ​ພັກ​ກະຊວງ​ປ້ອງ​ກັນ​ປະເທດ ຫົວໜ້າ​ກົມ​ຈັດ​ຕັ້ງ​ພັກ ກົມ​ໃຫຍ່​ການເມືອງ​ກອງທັບ ແລະ ສະຫາຍ ພັນ​ເອກ ບຸນ​ມີ ພາ​ມີ​ໄຊ ຄະນະ​ປະຈຳ​ພັກ​ແຂວງ ເລຂາ​ຄະນະ​ພັກ ຫົວໜ້າ​ການເມືອງ​ກອງ​ບັນຊາ​ການ ທະຫານ​ແຂວງ​ບໍ່​ແກ້ວ, ມີ​ບັນດາ​ສະຫາຍ​ຄະນະ​ປະຈຳ​ພັກ​ແຂວງ, ຄະນະ​ປະຈຳ​ພັກ​ກອງ​ບັນຊາ​ການ ຄະນະ​ບໍລິຫານ​ງານ​ພັກ, ຄະນະ​ພັກ​ຮາກ​ຖານ ແລະ ບັນດາ​ສະຫາຍ​ເລຂາ, ຮອງ​ເລຂາ​ໜ່ວຍ​ພັກ​ທົ່ວ​ທະຫານ​ແຂວງ​ບໍ່​ແກ້ວ​ເຂົ້າ​ຮ່ວມ. ສະຫາຍ ພັນ​ເອກ ບຸນ​ມີ ພາ​ມີ​ໄຊ ໄດ້​ຜ່ານ​ບົດ​ສະຫຼຸບ​ຕີ​ລາຄາ​ຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຜູ້​ແທນ ຄັ້ງ​ທີ V ໄລຍະ​ກາງ​ສະໄໝ ກອງ​ບັນຊາ​ການ​ທະຫານ​ແຂວງ​ບໍ່​ແກ້ວ ແລະ ທິດ​ທາງ​ແຜນການ​ໄລຍະ​ທ້າຍ​ສະໄໝ.

 

ຈາກ​ນັ້ນ ສະຫາຍ ພັນ​ເອກ ທອງ​ໄຂ ສີ​ຍາ​ລາດ ຮອງ​ເລຂາ​ພັກ ຫົວໜ້າ ການ​ທະຫານ​ກອງ​ບັນຊາ​ການ ທະຫານ ແຂວງ​ບໍ່​ແກ້ວ ໄດ້​ຜ່ານຮ່າງ​ບົດ​ສຳ​ຫຼວດ ການ​ນຳພາ​ລວມ​ໄລຍະ​ກາງ​ສະໄໝ ຂອງ​ອົງຄະ​ນະ​ພັກ​ກອງ​ບັນຊາ​ການ​ທະຫານ ແຂວງ​ບໍ່​ແກ້ວ ໂດຍ​ຄະນະ​ພັກ​ແຕ່​ລະ​ສະຫາຍ​ໄດ້​ເອົາໃຈໃສ່​ເຊີດ​ຊູ​ຄວາມ​ຮັບ ຜິດຊອບ​ຕໍ່ໜ້າ​ທີ່​ການເມືອງ, ເປັນ​ແກນ​ນຳ ແລະ ເປັນ​ຫຼັກ​ແຫຼ່ງ​ໃຈກາງ​ໃນ​ການ​ຄົ້ນຄວ້າ​ຫັນ​ແນວທາງ​ນະໂຍບາຍ, ມະຕິ, ຄຳ​ສັ່ງ​ຂອງ​ສູນ​ກາງ​ພັກ, ມະຕິ​ຂອງ​ຄະນະ​ພັກ​ກະຊວງ​ປ້ອງ​ກັນ​ປະເທດ, ມະຕິ​ກອງ​ປະຊຸມ​ໃຫຍ່ ຄັ້ງ​ທີ VI ຂອງ​ອົງຄະ​ນະ​ພັກ​ແຂວງ​ບໍ່​ແກ້ວ ແລະ ມະຕິ​ກອງ​ປະຊຸມ​ໃຫຍ່ ຄັ້ງ​ທີ V ຂອງ​ຄະນະ​ບໍລິຫານ​ງານ​ພັກ​ກອງ​ບັນຊາ​ການ​ທະຫານ​ແຂວງ​ບໍ່​ແກ້ວ, ຫັນ​ເປັນ​ແຜນ​ງານ​ເປັນ​ໂຄງການ​ອັນ​ລະອຽດ ດ້ານ​ວຽກ​ງານ​ການເມືອງ-ແນວ​ຄິດ: ຄະນະ​ບໍລິຫານ​ງານ​ພັກ​ພວກ​ເຮົາ​ໄດ້​ເອົາໃຈ ໃສ່​ສຶກ​ສາ​ອົບ​ຮົບ​ການເມືອງ – ແນວ​ຄິດ ໃຫ້​ແກ່​ພະນັກງານ, ສະມາຊິກ​ພັກ, ນັກຮົບ​ມີ​ຄວາມ​ເຊື່ອໝັ້ນ​ຕໍ່​ການ​ນຳພາ​ຂອງ​ພັກ ແລະ ການ​ຄຸ້ມ​ຄອງ​ຂອງ​ລັດ, ມີ​ຄວາມ​ໜັກ​ແໜ້ນ​ທາງ​ດ້ານ​ການເມືອງ, ຄຸນສົມບັດ​ສິນ​ທຳ​ປະຕິວັດ, ມີ​ແບບແຜນ​ວິທີ​ເຮັດ​ວຽກ ແລະ ແບບແຜນ​ດຳລົງ​ຊີວິດ​ທີ່​ດີ, ມີ​ຄວາມ​ສັດຊື່​ບໍລິສຸດ​ຈົງ​ຮັກ​ພັກດີ​ຕໍ່​ປະເທດ​ຊາດ ແລະ ປະຊາຊົນ, ຕື່ນ​ຕົວ​ປະກອບສ່ວນ​ເຂົ້າ​ໃນ​ການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ດ້ານ​ນ້ຳ​ພາ​ວຽກ​ງານ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ: ຄະນະ​ບໍລິຫານ​ງານ​ພັກ​ກອງ​ບັນຊາ​ການ​ພວກ​ເຮົາ​ຮັກສາ​ໄດ້​ບົດບາດ​ການ​ເປັນ​ແກນ​ນຳ​ໃນ​ການຈັດຕັ້ງ​ປະຕິບັດ​ຕາມ 4 ເນື້ອ​ໃນ 4 ຄາດໝາຍ ຕາມ​ແນວທາງ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ, ທົ່ວ​ປວງ​ຊົນ​ຮອບດ້ານ,

 

ຕັ້ງໜ້າ​ຊີ້​ນຳ-ນຳພາ​ພະນັກງານ​ລົງ​ກໍ່ສ້າງ​ຮາກ​ຖານ​ການເມືອງ​ຢູ່​ບັນດາ​ຈຸດ​ຫຼໍ່​ແຫຼມ​ຂອງ​ແຂວງ​ຕາມ​ມູນເຊື້ອ​ຂອງ​ກອງທັບ​ຢ່າງ​ຕັ້ງໜ້າ, ສ້າງ​ບ້ານ ແລະ ຄອບຄົວ​ປ້ອງ​ກັນ​ຊາດ​ເຂັ້ມແຂງ​ໄດ້ 22 ບ້ານ​ມີ 5.305 ຄອບຄົວ, ສ້າງ​ບ້ານ​ປ້ອມ​ໝັ້ນ-ກຸ່ມ​ບ້ານ​ສູ້​ຮົບ​ ຕິດ​ລຽນ​ທົ່ວ​ແຂວງ​ໄດ້ 36 ກຸ່ມ​ບ້ານ, ວຽກ​ງານ​ຮັບປະກັນ​ພະ ລາທິການ-ເຕັກນິກ: ດ້ວຍ​ຄວາມ ​ເອົາໃຈໃສ່ ຂອງ​ຄະນະ​ພັກ​ກອງ​ບັນຊາ​ການ ແລະ ບວກ​ກັບ​ຄວາມ ຮັບຜິດຊອບ​ຂອງ​ຄະນະ​ພັກ​ແຕ່​ ລະ​ຂັ້ນ, ໃນ​ການ​ປົກ​ປັກ-ຮັກສາ​ ອາວຸດ-ກະ​ສູນ ສາມາດ​ຮັບປະ ກັນ​ໃນການ​ກຽມພ້ອມ​ສູ້​ລົບ​ໄດ້ 100% ແລະ ພາຫະນະ-ເຕັກນິກ ພາຫະນະ​ຮັບ​ໃຊ້ ຮັບປະກັນ​ໄດ້ 90%. ວຽກ​ງານ​ພະລາທິການ ແມ່ນ​ໄດ້​ຖື​ເອົາ​ການ​ຍົກ​ສູງ​ນ້ຳໃຈ​ເພິ່ງ​ຕົນ​ເອງ, ສ້າງ​ຄວາມ​ເຂັ້ມ ແຂງ​ດ້ວຍ​ຕົນເອງ, ເຮັດ​ໃຫ້​ຫຼາຍ ​ກົມ​ກອງ​ມີ​ຊີວິດ​ການ​ເປັນ​ຢູ່​ດີ​ຂຶ້ນ, ສະຖານທີ່​ຄ້າຍ​ຄູ, ທີ່ຢູ່​ອາໄສ ກໍ​ໄດ້​ຮັບ​ການ​ປັງ​ປຸງ ແບບ​ຖາວອນ, ເຄິ່ງ​ຖາວອນ, ການ​ປະຕິບັດ​ການ​ຄຸ້ມ​ຄອງ ແລະ ເບີກ​ຈ່າຍ​ຖືກຕ້ອງ​ຕາມ​ລະບອບ​ອັດຕາ​ທີ່​ພັກ-ລັດ, ກອງທັບ​ໄດ້​ກຳນົດ; ວຽກ​ງານ​ພົວພັນ​ຮ່ວມ​ມື​ສາກົນ: ໄດ້​ປະຕິບັດ​ແນວທາງ​ການ ຕ່າງປະເທດ​ຂອງ​ພັກ​ຢ່າງ​ຖືກຕ້ອງ ໂດຍ​ພົວພັນ​ແໜ້ນ​ກັບ​ບັນດາ​ປະເທດ​ເພື່ອນ​ມິດ​ຍຸດ​ທະ​ສາດ, ປະເທດ​ເພື່ອນ​ບ້ານ​ດ້ວຍ​ການ​ຮ່ວມ​ມື​ແກ້​ໄຂ​ບັນຫາ​ຕ່າງ​ທີ່​ເກີດ​ຂຶ້ນ. ກອງ​ປະຊຸມ ຍັງ​ໄດ້​ຄົ້ນຄວ້າ ແລະ ປະກອບ​ຄຳ​ເຫັນ​ຈາກ​ຄະນະ​ພັກ​ຮາກ​ຖານ​ດ້ວຍ​ຄວາມ ຮັບຜິດຊອບ​ການເມືອງ​ຢ່າງ​ກົງ​ໄປ ກົງ​ມາເພື່ອ​ນຳໄປ​ປັບປຸງ​ແກ້​ໄຂ, ເຮັດ​ໃຫ້​ເນື້ອ​ໃນ​ກອງ​ປະຊຸມ​ມີ​ຄວາມ​ອຸດົມ​ສົບ​ບຸນ ແລະ ຄົບ​ຖ້ວນ.

 

ໂອກາດ​ດັ່ງກ່າວ ສະຫາຍ ​ ປອ ບົວ​ຄົງ ນາມ​ມະ​ວົງ ໄດ້​ຍ້ອງ ຍໍ​ຊົມເຊີຍ​ຕໍ່​ໝາກຜົນ​ແຫ່ງ​ການ​ ຊີ້​ນຳ-ນຳພາ​ຂອງ​ຄະນະ​ພັກ​ແຕ່​ລະ​ຂັ້ນ, ທີ​່ໄດ້​ຊີ້​ນຳ-ນຳພາພະ ນັກງານ-ສະມາຊິກ​ພັກ, ນັກຮົບ​ໃນ​ການຈັດຕັ້ງ ປະຕິບັດ​ໜ້າທີ່​ວຽກ​ງານ​ໄລຍະ​ຜ່ານ​ມາ ແລະ ຮຽກຮ້ອງ​ມາ​ຍັງ​ຄະນະ​ພັກ, ພະນັກງານ-ສະມາຊິກ​ພັກ​ທຸກ​ ສະຫາຍ ໃນ​ທົ່ວ​ກົມ​ກອງ, ຈົ່ງ ​ພ້ອມ​ກັນ​ປະຕິບັດ​ໜ້າທີ່​ການ ເມືອງ​ຂອງ​ຕົນ​ຢ່າງ​ຕັ້ງໜ້າ, ເອົາ ໃຈໃສ່​ປັບປຸງ​ແບບແຜນ​ການ​ນຳ ພາ, ວິທີ​ເຮັດ​ວຽກ, ເອົາໃຈໃສ່​ແກ້​ ໄຂ​ຈຸດ​ອ່ອນ​ຂໍ້ຄົງຄ້າງ, ຍົກ​ສູງ​ນ້ຳໃຈ​ເພີ່ງ​ຕົນ​ເອງ, ກຸ້ມ​ຕົນ​ເອງ​ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ, ເພີ່ມ​ທະວີ​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ກົມ​ກອງ​ກໍຄື​ຄະນະ​ພັກ ແລະ ປະຊາຊົນ​ບັນດາເຜົ່າ, ສືບຕໍ່​ເສີມ​ຂະຫຍາຍ​ມູນເຊື້ອປະຕິວັດ​ອັນ​ດີງາມຂອງ​ກອງທັບ​ກໍ່​ຄື​ກົມ​ກອງ​ຢ່າງ​ບໍ່​ຢຸດ​ຢັ້ງ.

ໂດຍ: ວໍລະ​ສິດ ພິດ​ສະຫາຍ

LEAVE A REPLY

Please enter your comment!
Please enter your name here