ໂດຍອີງຕາມການຕົກລົງເຫັນດີຂອງ ລັດຖະບານ ແຫ່ງ ສປປ ລາວ ແລະ ຮົງກາຣີ ກ່ຽວກັບ ການເຫັນດີເປີດສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ຮົງກາຣີ ຄືນໃໝ່, ໃນວັນທີ 3 ພະຈິກ 2022, ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ປີເຕີ ຊີຢາໂຕ (Péter SZIJJÁRTÓ) ລັດຖະມົນຕີກະຊວງການຕ່າງປະເທດ ແລະ ການຄ້າ ຮົງກາຣີໄດ້ເປັນກຽດເຂົ້າຮ່ວມພິທີເປີດຄືນສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ຮົງກາຣີ ຢ່າງເປັນທາງການ, ໂດຍມີບັນດາທູຕານຸທູດ, ພາກສ່ວນກ່ຽວຂ້ອງ ແລະ ແຂກຖືກເຊີນເຂົ້າຮ່ວມ.

ໃນພິທີ ທ່ານ ສະເຫຼີມໄຊ ກົມມະສິດ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສອງປະເທດ ລາວ-ຮົງກາຣີ, ບົນພື້ນຖານເປັນຄູ່ຮ່ວມມືຍຸດທະສາດຮ່ວມກັນ ສືບຕໍ່ຮັກສາໄດ້ສາຍພົວພັນມິດຕະພາບອັນດີ, ຄວາມເຂົ້າອົກເຂົ້າໃຈ ແລະ ການສະໜັບສະຫນູນຊ່ວຍເຫຼືອຊຶ່ງກັນ ແລະ ກັນ ທັງໃນຂອບການຮ່ວມມືສອງຝ່າຍ ແລະ ຫລາຍຝ່າຍ. ການເປີດຄືນສະຖານທູດລາວ ປະຈຳ ຮົງກາຣີ ນີ້ໄດ້ສະແດງໃຫ້ເຫັນເຖິງໝາກຜົນຂອງການຮ່ວມມືອັນດີໃນໄລຍະຜ່ານມາ ແລະ ເພື່ອເປັນການສືບຕໍ່ຊຸກຍູ້ໃຫ້ແກ່ການພົວພັນຮ່ວມມື ລະຫວ່າງ ລາວ ແລະຮົງກາຣີໂດຍສະເພາະ ການອຳນວຍຄວາມສະດວກໃຫ້ແກ່ການປະສານງານໃນດ້ານຕ່າງໆ ລວມທັງ ການຊຸກຍູ້ການພົວພັນຮ່ວມມື ດ້ານເສດຖະກິດ, ການຄ້າ-ການລົງທຶນ, ການທ່ອງທ່ຽວ, ການສຶກສາ, ວັດທະນະທໍາ ແລະ ດ້ານອື່ນໆ ຂະຫຍາຍຕົວສູ່ບາດກ້າວອັນໃຫມ່ໃນອະນາຄົດ. ການເປີດຄຶນສະຖານທູດລາວ ປະຈຳ ຮົງກາຣີ ໃນຄັ້ງນີ້ ແມ່ນໄດ້ມີຂຶ້ນໃນທ່າມກາງທີ່ປະຊາຊົນສອງປະເທດ ຮ່ວມກັນສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຮົງກາຣີ ຄົບຮອບ 60 ປີ (12 ກັນຍາ 1962 – 12 ກັນຍາ 2022).

ໃນຂະນະດຽວກັນ, ທ່ານ ປີເຕີ ຊີຢາໂຕ ໄດ້ສະແດງຄວາມຊົມເຊີຍຕໍ່ຜົນສຳເລັດຂອງການພົວພັນຮ່ວມມືອັນດີ ລະຫວ່າງ ສອງປະເທດ ລາວ ແລະ ຮົງກາຣີ ຕະຫຼອດໄລຍະຜ່ານມາ ຊຶ່ງການເປີດຄືນສະຖານທູດລາວ ທີ່ ນະຄອນຫຼວງ ບູດາແບສ ໃນຄັ້ງນີ້ ເປັນການຢັ້ງຢືນເຖິງຜົນສຳເລັດຂອງການປະຕິບັດວຽກຮ່ວມກັນ ລະຫວ່າງ ພາກສ່ວນກ່ຽວຂ້ອງສອງຝ່າຍ ລາວ-ຮົງກາຣີ ແລະ ສະແດງຄວາມເຊື່ອໝັ້ນວ່າ ດ້ວຍຄວາມພະຍາຍາມຮ່ວມກັນ, ການປະສານງານ ແລະ ການຮັດແໜ້ນການພົວພັນຮ່ວມມືບົນພື້ນຖານຄູ່ຮ່ວມມືຍຸດທະສາດຮ່ວມກັນ ເພື່ອສືບຕໍ່ນຳເອົາຜົນປະໂຫຍດສູງສຸດມາສູ່ປະຊາຊົນຂອງທັງສອງປະເທດລາວ-ຮົງກາຣີ ໃນອະນາຄົດ.

ຂ່າວ: ກະຊວງການຕ່າງປະເທດ

ໃນວັນທີ 4 ພະຈິກ 2022 ນີ້, ຢູ້ທີ່ຫ້ອງວ່າການປົກຄອງ ແຂວງ ຫລວງພະບາງ, ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ໄດ້ຕ້ອນຮັບ ຄະນະ ຜູ້ບັນຊາການ ທະຫານອາກາດ ອາຊຽນ ເຂົ້າຢ້ຽມຂໍ່ານັບ ເຊິ່ງນຳພາໂດຍ ທ່ານ ພົນຈັດຕະວາ ຄໍາເຫຼັກ ແສງພະຈັນ ຜູ້ບັນຊາການ ທະຫານອາກາດ ກອງທັບປະຊາຊົນລາວ ເນື່ອງໃນໂອກາດສຳເລັດກອງປະຊຸມ ຜູ້ບັນຊາການທະຫານອາກາດ ອາຊຽນ ຄັ້ງທີ 19 ທີ່ ສປປ ລາວ ເປັນເຈົ້າພາບ ຈັດຂຶ້ນທີ່ແຂວງຫລວງພະບາງ ໃນລະຫວ່າງ ວັນທີ 3-5 ພະຈິກ 2022 ນີ້.

ໂອກາດນີ້, ທ່ານ ພົນເອກ ຈັນສະໝອນ ຈັນຍາລາດ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາ ສູງ ຕໍ່ຄະນະ ຜູ້ບັນຊາການທະຫານອາກາດ ອາຊຽນ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຄັ້ງນີ້ , ແລະ ສະແດງຄວາມຊົມເຊີຍຕໍ່ຜົນສຳເລັດ ຂອງກອງປະຊຸມຜູ້ບັນຊາການທະຫານອາກາດ ອາຊຽນ ຄັ້ງ19 ແມ່ນມີຄວາມໝາຍສໍາຄັນເປັນການເສີມສ້າງສາຍ ພົວພັນ, ເສີມຂະຫຍາຍຄວາມເຂົ້າອົກເຂົ້າໃຈເຊິ່ງກັນ ແລະ ກັນ, ເສີມສ້າງສິດຜົນປະໂຫຍດຮ່ວມກັນ ລົງເລິກໃນການຮ່ວມມື ທາງດ້ານຄວາມໝັ້ນຄົງ, ຄວາມສະຫງົບ ແລະ ຄວາມປອດໄພໃນພາກພື້ນ, ເສີມຂະຫຍາຍການພົວພັນຮ່ວມມືໂດຍສະເພາະເຫລົ່າຮົບທະຫານອາກາດໃຫ້ອຸດົມສົມບູນຂຶ້ນກວ່າເກົ່າ ດັ່ງຄໍາຂ້ວນ“ອາຊຽນ ຮ່ວມກັນເພື່ອສັນຕິພາບ ແລະ ສະຖຽນລະພາບ” ພ້ອມດຽວກັນນັ້ນ ທ່ານ ຮອງນາຍົກລັດຖະມົນຕີ ຍັງໄດ້ເຊີນຊວນ ບັນດາ ຜູ້ບັນຊາການທະຫານອາກາດ ອາຊຽນ ພ້ອມຄະນະ ພັນລະຍາ ທ່ຽວຊົມບັນດາ ສະຖານທີ່ທ່່ອງທ່ຽວ ທາງທຳມະຊາດ ແລະ ວັດທະນະທຳ ຮີດຄອງປະເພນີ ຂອງແຂວງຫລວງພະບາງ ແລະ ອວຍພອນໃຫ້ບັນດາຄະນະ ຜູ້ບັນຊາການທະຫານອາກາດ ອາຊຽນ ປະສົບຜົນສຳເລັດໃນໜ້າທີ່ວຽກງານ ແລະ ນຳເອົາເນື້ອໃນຈິດໃຈຜົນຂອງກອງປະຊຸມ ຜູ້ບັນຊາການທະຫານອາກາດ ອາຊຽນ ຄັ້ງທີ19 ໄປຈັດຕັ້ງຜັນຂະຫຍາຍ ຢ່າງເປັນຮູບປະທໍາ.

ເນື່ອງໃນໂອກາດ, ເດີ່ນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຂອງ ຄະນະ ຜູ້ບັນຊາການທະຫານອາກາດ ອາຊຽນ ພ້ອມ ພັນລະຍາ ຄັ້ງນີ້ ຍັງໄດ້ ທ່ຽວຊົມ ສະຖານທີ່ທ່ອງທ່ຽວ ທາງທໍາມະຊາດ ແລະ ວັດທະນະທຳ ຂອງ ແຂວງ ຫລວງພະບາງ ແລະ ແຂ່ງຂັນກິລາກັອບມິດຕະພາບ ເຊິ່ງດໍາເນີນໄປດ້ວຍບັນຍາກາດຟົດຟື້ນ.

ແຈ້ງການດ່ວນ  ກະຊວງອຸດສາຫະກໍາ ແລະ ການຄ້າ ໄດ້ອອກແຈ້ງການ ເຖິງ ສະມາຄົມນໍ້າມັນເຊື້ອໄຟ ແລະ ອາຍແກັດ ລາວ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ ຊາບ ແລະ ປະຕິບັດ ດັ່ງນີ້:

1. ປັບລາຄາຂາຍຍ່ອຍນໍ້າມັນເຊື້ອໄຟ ທຸກຊະນິດ ຄື:
ນ້ຳມັນແອັດຊັງພິເສດ ປັບຂຶ້ນ +220 ກີບ/ລິດ
ນ້ໍາມັນແອັດ ຊັງທຳມະດາ ປັບລົງ -220 ກີບ/ລິດ

ນໍ້າມັນກາຊວນ ປັບລົງ -330 ກີບ/ລິດ.
ເລີ່ມວັນພະຫັດ ວັນທີ 27/10/2022 ເວລາ 06:00 ເປັນຕົ້ນໄປ

ບອກເລີຍວ່າເຄົ້າໂຄງໜ້າດີ, ດັງໂດ່ງ ພໍໄດ້ແຕ່ງແລ້ວ ງາມລືມສາວພອນ ຄົນເກົ່າໄປເລີຍ
ຫຼ້າສຸດກັບຊຸດເດດສີກົມ ແລະ ໜ້າຕາທີ່ຈັດເຕັມ

ງາມແທ້ຢ່າບອກໃຜ
ເຊິ່ງເບິ່ງຈາກຈຸດທີ່ຢູ່ ເອ່… ວຽງຈັນບໍ່ນໍ້

ເຊິ່ງກ່ອນໜ້ານີ້ສາວພອນບອກວ່າຈະບໍ່ມາວຽງຈັນອີກ ຫຼ້າສຸດເຫັນຢູ່ນີ້ຫຼໍບໍ່ ແລ້ວມາຫຍັງນໍ້ ຖ້າຕິດຕາມ

.

ອັດຕາແລກປ່ຽນປະຈໍາວັນທີ 25/10/2022
Daily Exchange Rates 25/10/2022
ທ່ານສາມາດຕິດຕາມ ອັດຕາດອກເບ້ຍເງິນກູ້-ເງິນຝາກ, ຜະລິດຕະພັນ ແລະ ການບໍລິການອື່ນໆຂອງ BCEL ເພີ່ມເຕີມໄດ້ທີ່ https://www.bcel.com.la/bcel/

ອັບເດດລາຄາຄໍາປະຈໍາວັນ
ວັນທີ25/10/2022 (10:00)
ຖ້າມີການປ່ຽນແປງພາຍໃນມື້ທາງເຮົາຈະແຈ້ງຜ່ານໜ້າຮ້ານ ແລະ ລະບົບຂອງຮ້ານຄໍາພູວົງ
1. ສາຂາຕະຫລາດເຊົ້າ 021 213546

2. ສາຂາຕະຫລາດວັງທອງ 021 265163
3. ສາຂາໄອເຕັກມໍ 030 5885999
4. ສາຂາວຽງຈັນເຊັນເຕິ້ 030 5222288

5. ສາຂາຕະຫລາດດາວເຮືອງປາກເຊ 020 5553 5235
6. ສາຂາໄຊຍະບູລີ 020 5567 7042
7. ສາຂາຕະຫລາດໂພນໂຮງ 020 5552 4848

ສອບຖາມຂໍ້ມູນເພີ່ມຕື່ມ WhatsApp +8562054998998
ຮ້ານຄຳພູວົງ phouvongjewelry
ຄິດເຖິງຄຳຄຸນນະພາບຄິດເຖິງຮ້ານຄຳພູວົງ

ທ່ານ ນາງ ອຸດາໄລ ພະໄຊຈະເລີນ ໃຫ້ສໍາພາດ ຕໍ່ກົມສື່ມວນຊົນ ໜຸ່ມລາວ ວ່າ: ຕົນເອງກໍ່ ເປັນພະນັກງານລັດຖະກອນ ໄດ້ສັງກັດຢູ່ພະແນກສາທາລະນະສຸກແຂວງຄໍາມ່ວນ ແລະ ຜົວກໍ່ເປັນພະນັກງານສັງກັດຢູພະແນກການເງີນແຂວງ, ມີລູກຮ່ວມກັນ 2 ຄົນ, ແຕ່ກ່ອນຕົນເອງ ແລະ ຄອບຄົວແມ່ນອາໃສ ແຕ່ເງີນເດືອນຂອງການເປັນພະນັກງານ ເຫັນວ່າລາຍຮັບພໍແຕ່ກຸ້ມກິນເທົ່ານັ້ນ ຫຼັງຈາກນັ້ນມາຮອດ ປີ 2018 ຕົນ ແລະ ຄອບຄົວຈຶ່ງມີແນວຄວາມຄິດລິເລີ່ມຢາກຫັນເອົາເວລາວ່າງມາສ້າງເສດຖະກິດຄອບຄົວ ດ້ວຍການລ້ຽງເປັດໄຂ່ຂາຍ, ສະຖານທີ່ແມ່ນຢູ່ບ້ານມ່ວງສຸມ, ເມືອງທ່າແຂກ, ແຂວງຄຳມ່ວນ.

ການລົງທຶນເບື້ອງຕົ້ນ ແມ່ນເປັນຈຳນວນເງິນ 50 ລ້ານກີບ ງົບປະມານໃນການລົງທຶນ ແມ່ນຂອງຄອບຄົວຂ້າພະເຈົ້າເອງ ເພື່ອມາຈັດສັນສະຖານທີ່ໂດຍມີ ເນື້ອທີ່ໃນປູກຝັງ-ລ້ຽງສັດ ແມ່ນພຽງເຄິ່ງເຮັກຕາເຊິ່ງແບ່ງເນື້ອທີ່ປູກໝາກຂຽບ, ລ້ຽງສັດ ( ຫມູ, ແບ້, ງົວ, ໄກ່ງ່ວງ, ໄກ່ລາດ ) ເບື້ອງຕົ້ນແມ່ນໄດ້ນຳເປັດໄຂ່ມາລ້ຽງ ຄັ້ງທຳອິດ ຈຳນວນ 200 ໂຕ ມາຮອດປະຈຸບັນນີ້ແມ່ນຈຳນວນ 3,000 ໂຕ ຊື້ມາໃນລາຄາ 1 ໂຕ ລາຄາ 90,000 ກີບ ໄລຍະການລ້ຽງ 1 ເດືອນ ແມ່ນສາມາດເກັບໄຂ່ຂາຍໄດ້ແລ້ວ ເປັນລາຍຮັບແຕ່ລະມື້ ຈົນກວ່າເປັດອາຍຸໄດ້ ປີປາຍ ຖືວ່າສຸດໄຂ່, ການລ້ຽງກໍ່ຄືໃຫ້ອາຫານເຊົ້າ, ແລງ, ເປັດພັນໄຂ່ ນີ້ເປີເຊັນການຕາຍແມ່ນມີໜ້ອຍ, ແຮງງານຫຼັກຕົ້ນຕໍໃນຄອບຄົວ ມີ 4 ຄົນ ຄື: ນ ອຸດາໄລ ກັບຜົວຂອງເພິ່ນ ແລະ ຈ້າງຄົນງານເພີ່ມ 2 ຄົນ.

ເຖິງວ່າຈະບໍ່ໄດ້ເປັນຟາມໃຫຍ່ກໍ່ຕາມ ແຕ່ກໍ່ສາມາດແກ້ໄຂຊີວິດການເປັນຢູ່ພາຍໃນຄອບຄົວ ໄດ້ສະເລ່ຍແລ້ວໃນ 1 ເດືອນ ມີລາຍຮັບຈາກການຂາຍໄຂ່ເປັດ ປະມານ 50-60 ລ້ານກີບຕໍ່ເດືອນ ລາຍຮັບນີ້ແມ່ນໄດ້ຫັກລົບຕົ້ນທຶນແລ້ວ, ເຊີ່ງໃນແຕ່ລະມື້ ທ່ານ ນາງ ອຸດາໄລ ຈະຕື່ນນອນ 5 ໂມງເຊົ້າເພື່ອມາໃຫ້ອາຫານເປັດ, ໄກ່, ໜູ ແລະ ເກັບໄຂ່ເປັດ ໃສ່ແຕະໄວ້ເພື່ອກຽມສົ່ງລູກຄ້າ, 7 ໂມງເຄິ່ງ ໄປການປົກກະຕິ ຫຼັງຈາກເລີກການຕອນທ່ຽງຈຶ່ງໄດ້ເລາະສົ່ງໃຫ້ລູກຄ້າຕາມທີ່ມີການສັ່ງຈອງໄວ້, ສຳລັບກາຍຂາຍແມ່ນ 1 ແຕະ ມີ 30 ໜ່ວຍ ຂາຍໃນລາຄາ 66,000 ກີບ.

ນອກຈາກການຂາຍໄຂ່ເປັດແລ້ວ ມີຂີ້ເປັດຂາຍນຳອີກ ຈະຂາຍໃນລາຄາເປົາລະ 15,000 ກີບ ແລະ ຍັງຂາຍເປັດ ໂຕທີ່ມັນສຸດໄຂ່ແລ້ວ ຂາຍໃນລາຄາ 1 ໂຕ 25,000 ກີບ ສາມາດເວົ້າໄດ້ວ່າ ຜົນລາຍຮັບທັງໝົດ ຈາກການຂາຍໄຂ່, ຂາຍເປັດ ແລະ ຂາຍຝຸ່ນຄອກ ລວມລາຍຮັບ ຈໍານວນ 600 ລ້ານກີບ/1ຊຸດ ຂອງການລ້ຽງ; ແຜນພັດທະນາໃນຕໍ່ໜ້າ: ຈະເສີມຂະຫຍາຍການລ້ຽງເປັດພັນຊີ້ນ, ໜູ ລາດ ແລະ ໄກ່ພັນໄຂ່ ແມ່ນຈະໄດ້ເລີ່ມຂະຫຍາຍພັນໃຫ້ທັນກັບຄວາມຮຽກຮ້ອງຕ້ອງຂອງຕະຫຼາດ.

ຍ້ອນຄວາມດຸໝັ່ນ ຊື່ສັດ ປະຢັດອົດທົນ ຈິ່ງເຮັດໃຫ້ຄອບຄົວຂອງຂ້າພະເຈົ້າ ຫຼຸດພົ້ນອອກຈາກຄວາມທຸກຍາກ ກາຍເປັນຄອບຄົວຊາວໜຸ່ມຕົວແບບ ປະຈຸບັນມີເຮືອນຢູ່ທີ່ຖາວອນ ແລະ ມີເງິນທ້ອນຈຳນວນໜຶ່ງ ເພື່ອໄວ້ສົ່ງລູກຮຽນ ແລະ ໃຊ້ໃນຍາມສຸກເສີນ.
ຖ້າຫາກໜູ່ເພື່ອນ ຫຼື ວ່າທ່ານໃດຢາກຖອດຖອນບົດຮຽນດ້ານການເຮັດກິດຈະກໍາປະສົມປະສານແບບນີ້ ກໍ່ສາມາດມາຖອດຖອນບົດຮຽນ ຫຼື ຕ້ອງການເປັດເພື່ອໄປລ້ຽງ ກໍ່ຕິດຕໍ່ປະສານຫາເພິ່ນໄດ້ ທ່ານ ນາງ ອຸດາໄລ ພະໄຊຈະເລີນ ຫຼື ຕຸຍ ເບີໂທລະສັບ 020 54788565.

Cr. ກົມສື່ມວນຊົນໜຸ່ມລາວ

ເຊື່ອຍ້ອນບາລະມີຫຼວງປູ່ຄຸ້ມຄອງ! ລົດປີ້ນຫຼາຍຮອບ ບໍ່ເຈັບຈັກບ່ອນ

ທ້າວ ພິລຸນ ອຸ່ນສີ ອາຍຸ 55 ປີ ນັກສະແດງຕົວປະກອບໜັງຫຼາຍເລື່ອງ ແລະໂຄສົກນັກຈັດລາຍການວິທະຍຸຊື່ດັງ ເປີດເຜີຍອຸບັດຕິເຫດລະທຶກທີ່ເກີດຂຶ້ນກັບຕົນເອງ ແຕ່ແຄ້ວຄາດປອດໄພເຊື່ອເພາະບາລິມີຫຼວງປູ່ທີ່ວາງໄວ້ໜ້າລົດຊ່ວຍຊີວິດເຫດເກີດກາງເດິກທີ່ຜ່ານມາ

ທ້າວ ພິລຸນ ເປີດເຜີຍວ່າ ຕົນຂັບລົດມາຈາກບ່ອນເຮັດວຽກ ກຳລັງຈະມຸ່ງໜ້າກັບບ້ານແຕ່ເກີດວູບຫຼັບໃນ ເນື່ອງຈາກບໍ່ຄ່ອຍໄດ້ພັກຜ່ອນເຮັດໃຫ້ລົດລົງຂ້າງທາງແລ້ວປີ້ນຫຼາຍຮອບ ສະພາບລົດມຸ່ນໝົດ, ແວ່ນຕົກ ລົດຫງາຍທ້ອງລໍ້ຊີ້ຟ້າ “ ແຕ່ລອດປາຕິຫານ ໄຮ້ຮ້ອຍເຈັບ ເຊື່ອວ່າເກີດຈາກຫຼວງປູ່ສະຣວງ ລຸ່ນເພີ່ມຊັບຮັບໂຊກ ທີ່ເພື່ອນໃຫ້ມາຊ່ວຍຊີວິດ

ຕອນທີ່ໄດ້ມາກໍ່ວາງໄວ້ໜ້າລົດ ເວລາຂັບໄປໃສມາໃສກໍຈະເຫັນທ່ານູ່ຕະຫຼອດ ຕອນທີ່ລົດປີ້ນຂວ້ຳຫງາຍທ້ອງຫຼວງປູ່ສະຣວງກໍຕົກລົງມາຢູ່ທີ່ມືພໍດີ ບໍ່ຮູ້ວ່າເປັນຫຍັງຈຶ່ງເປັນແບບນີ້ ເລີຍຄານອອກມາຈາກລົດພ້ອມກັບຫຼວງປູ່ທີ່ຕິດມືມາດ້ວຍ.”

ອັດຕາແລກປ່ຽນປະຈໍາວັນທີ 24/10/2022
Daily Exchange Rates 24/10/2022
ທ່ານສາມາດຕິດຕາມ ອັດຕາດອກເບ້ຍເງິນກູ້-ເງິນຝາກ, ຜະລິດຕະພັນ ແລະ ການບໍລິການອື່ນໆຂອງ BCEL ເພີ່ມເຕີມໄດ້ທີ່ https://www.bcel.com.la/bcel/

ອັບເດດລາຄາຄໍາປະຈໍາວັນ
ວັນທີ24/10/2022 (10:00)
ຖ້າມີການປ່ຽນແປງພາຍໃນມື້ທາງເຮົາຈະແຈ້ງຜ່ານໜ້າຮ້ານ ແລະ ລະບົບຂອງຮ້ານຄໍາພູວົງ
1. ສາຂາຕະຫລາດເຊົ້າ 021 213546

2. ສາຂາຕະຫລາດວັງທອງ 021 265163
3. ສາຂາໄອເຕັກມໍ 030 5885999
4. ສາຂາວຽງຈັນເຊັນເຕິ້ 030 5222288

5. ສາຂາຕະຫລາດດາວເຮືອງປາກເຊ 020 5553 5235
6. ສາຂາໄຊຍະບູລີ 020 5567 7042
7. ສາຂາຕະຫລາດໂພນໂຮງ 020 5552 4848

ສອບຖາມຂໍ້ມູນເພີ່ມຕື່ມ WhatsApp +8562054998998
ຮ້ານຄຳພູວົງ phouvongjewelry
ຄິດເຖິງຄຳຄຸນນະພາບຄິດເຖິງຮ້ານຄຳພູວົງ

ຈາກຜູ້ໃຊ້ເຟສບຸກຊື່ ອາຈານ ມະຫາຣາຊຄຣູ ຈອມທອງ ມໍເຕີ່ອຸດົມສຸກ ໄດ້ໂພສວ່າ: ອັນນີ້ແມ່ນຢາຂາ້ເຊື້ອໄວລັດຕັບຊີແລະພະຍາດໃບໄມ້ໃນຕັບວິທີໃຊ້ເອົາມາຟັກເປັນຕອ່ນນອ້ຍໆຕາກແດດໃຫ້ແຫ້ງແລ້ວຊັ່ງຢາ່ງລະເທົ່າກັນແລ້ວເອົາມາປະສົມເຂົ້າກັນແລ້ວຕົ້ມກີນເທື່ອລະກຳຂອງຜູ້ປວ່ຍໃສ່ນຳ້ນື່ງລີດຕົ້ມຟົດ 15 ນາທີ

ແລ້ວຕອງກີນຕາງນຳ້ເລີຍສູດນີ້ໄດ້ຈາກຜູ້ເປັນພຍາດນີ້ໃຊ້ແລ້ວດີ ແລະ ຫມູ່ຂອງລາວເປັນສາມຄົນກີນກໍ່ດີຫມົດແຕ່ຫາ້ມກີນເຫລົ້າ ແລະ ເບຍໄກ່ຂອງດອງ

ຂໍໃຫ້ເພື່ອນໆຊວ່ຍແຊ່ບອກຕໍ່ໆໄປແລ້ວຈົດໄວ້ໃນປື້ມຕຳລາຢາຈະໄດ້ບຸນຫລາຍແທ້ແລ(ກົກຫຍາ້ຫນອນນາ່ຍ.ກົກສານປາ່.ກົກຊາຕີ.ກົກສະເມັກຂາວ)

.

ທີ່ມາ: